काठमाडौं- सरकारले आगामी आर्थिक वर्ष २०८१/८२ को बजेटमार्फत ६ वटा महानगरपालिकालाई ११ अर्ब ७३ करोड रुपैयाँ विनियोजन गरेको छ।
केन्द्र सरकारले स्थानीय तहमा जाने अनुदानमध्ये वित्तीय समानीकरण, सशर्त अनुदान, विशेष अनुदान र समपूरक अनुदान गरी ४ वटा शीर्षकमा रकम पठाएको हो।
जसमा समानीकरण अनुदान शीर्षकमा २ अर्ब ५५ करोड ७०, सशर्त अनुदान ८ अर्ब ८७ करोड ५० लाख रुपैयाँ, विशेष अनुदानमा १८ करोड १० लाख र समपूरक अनुदान शीर्षकमा ११ करोड ७५ लाख गरी केन्द्र सरकारले ६ वटा महानगरपालिका कुल ११ अर्ब ७३ करोड रुपैयाँ पठाएको छ।
त्यसमा सबैभन्दा बढी रकम पोखरा महानगरपालिकाका लागि गएको छ। पोखरा महानगरपालिकाका लागि ४ अर्ब रुपैयाँ पठाइएको छ। सबैभन्दा कम ललितपुर महानगरपालिकाका लागि १ अर्ब ११ करोड रुपैयाँमात्रै पठाइएको छ।
