काठमाडौं- सरकारले चालु आर्थिक वर्षको आर्थिक ऐनमार्फत भारत र चीनबाट वस्तु आयात गर्दा लाग्ने पैठारी महसुल दरमा दिइएको ५ प्रतिशत छुट सुविधा हटाएको छ।
भारतबाट नेपालभित्र प्रतीतपत्रको माध्यमद्वारा पैठारी हुँदा मूल्यगत दरअनुसार लाग्ने भन्सार ५ देखि ३० प्रतिशतसम्मको दरमा ५ प्रतिशत वा सोभन्दा बढीको दरमा ३ प्रतिशतको छुट दिने गरिएको थियो।
यस्तै चीनको तिब्बतबाट आयात हुने महसुलमा छुट हुने चीनमा उत्पादिन मालवस्तुको आयातका लागि प्रतितपत्र खोल्दा पैठारीमा हुँदा लाग्ने भन्सार महसुल ५ प्रतिशतदेखि ३० प्रतिशत दरमा ५ प्रतिशत र सोभन्दा माथिको दरमा ३ प्रतिशत दिएको छुट पनि सरकारले खारेज गरेको छ।
आगामी आर्थिक वर्षको आर्थिक ऐनमार्फत सरकारले एलसी खोल्दा दिइएको छुट खारेज गरेको छ।
