शुक्रबार, जेठ ३२ गते २०८१    
images
images

गएको साता कमजोर देखिएको सेयर बजारमा यो साता पहिलो कारोबार वृद्धितर्फ

images
आइतबार, वैशाख १६ २०८१
images
images
गएको साता कमजोर देखिएको सेयर बजारमा यो साता पहिलो कारोबार वृद्धितर्फ
images
images

काठमाडौं- उतारचढावबीच लगातार ओरालो लागिरहेको सेयर बजारमा यो साता पहिलो कारोबारमा हरियाली देखिएको छ। गएको साता ६.२१ र त्यसअघिको साता ५३.५४ अंकले घटेको बजारमा अब वृद्धितर्फको संकेत देखिएको हो। 

images
images
images

साताको पहिलो कारोबारमा आइतबार १४.३३ अंकले बढेर १९८०.२७ बिन्दुमा पुगेको छ। १८० कम्पनीको सेयर मूल्य बढेको बजारमा २ अर्ब ६८ करोड २५ लाख ८६ हजार रुपैयाँको कारोबार भएको छ। ५५ कम्पनीको सेयर मूल्य घटेको छ भने ९ कम्पनीको मूल्यमा परिवर्तन भएको छैन। 

images

सुधारतर्फ जाने अपेक्षाविपरीत लामो समयदेखि उतारचढाव हुँदै ओरालो गति नै बढी देखिएको छ। गएको साता पनि पहिलो कारोबारमा हरियाली देखिए पनि त्यसपछिका कारोबार कमजोर देखिएको थियो। 

images

पछिल्लो समय देखिएको गिरावटले लगानीकर्ता मनोवैज्ञानिक आधार बिन्दुबाट तल झरेका छन्। अहिले पर्ख र हेरको अवस्थामा रहेका लगानीकर्ताहरूले अब सरकारले लिने नीतिपछि मात्रै निर्णय लिएर अघि बढ्ने देखिएको विश्लेषकहरू बताउँछन्। 

images
images

नेपालको सेयर बजार केही निश्चित व्यक्तिहरूको नियन्त्रणमा रहेको र उनीहरूले नै बजारलाई कहिले तल ल्याउने र कहिले माथि लैजाने काम गरिरहेको आरोप लागिरहँदा बजारले पनि सुधारको अपेक्षाविपरीत त्यस्तै उतारचढावपूर्ण संकेतहरू गरिरहेको छ।

सेयर बजार २०७८ भदौ २ गते अहिलेसम्मकै उच्च बिन्दु ३१९९ मा पुगेको थियो। आर्थिक वर्ष २०७८/०७९ को मौद्रिक नीति र तरलता अभावसँगै बजार गिरावटतिर लाग्यो। उच्च बिन्दुको यात्रादेखि यता केही समय उतारचढाव भइरहे पनि सेयर बजार घट्दो क्रममा नै बढी देखिन्छ। 

निरन्तर उतारचढावमा रहेको बजारमा स्थायी सुधारको अपेक्षाअनुसार वृद्धितर्फ नजाँदै उतारचढावबीच ओरालो यात्रा नै बढी देखिन्छ। स्थायी सुधारको आधारहरू स्पष्ट नदेखिँदा बजार अघि बढ्न धरमर गरिरहेको छ। केही संगठित लगानीकर्ताको जोडबलमा कुनै दिन वृद्धितर्फ देखिए पनि बजारले आम लगानीकर्ताको साथ पाउन सकेको देखिँदैन।


प्रकाशित : आइतबार, वैशाख १६ २०८१०३:०२

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend