काठमाडौं- हेलिकोप्टर उडाइरहँदा ककपिटमा बसेर टिकटक भिडियो बनाउने प्रभु हेलिकोप्टर पाइलट पासाङ शेर्पालाई नेपाल नागरिक उड्डयन प्राधिकरणले निलम्बित गरेको छ।

प्राधिकरणले तत्कालका लागि उडानमा प्रतिबन्ध लगाउँदै पाइलटको लाइसेन्स नै खारेज गर्ने प्रक्रिया अगाडि बढाएको स्रोतको दाबी छ।

पाइलट शेर्पाले हेलिकोप्टर उडानकै क्रममा ककपिटमा टिकटक भिडियो बनाएको भन्दै प्राधिकरणले उनलाई कारबाही गरेको हो।

उडानकै क्रममा भिडियो बनाउँदै हवाई सुरक्षामा गम्भीर असर पुर्‍याउने काम गरेको प्राधिकरणको ठहर छ। पाइलट शेर्पाले ककपिटमा बसेर एकजना महिलासँग बनाएको भिडियो टिकटकमा समेत अपलोड भएको देखिन्छ।

उडानका क्रममा पाइलटले फोटो तथा भिडियो खिच्च नपाउने नियम रहेको छ।