काठमाडौं- विशेष अदालतले 'नेसनल पेमेन्ट गेटवे' स्थापनामा अनियमितता गरेको आरोपमा सुनिल पौडेललाई दोषी ठहर गर्दै बाँकी ८ जनालाई सफाइ दिएको छ। 

उक्त प्रकरणका आरोपितहरू मधु कुमार मरासिनी, सञ्जय शर्मा, प्रणिता उपाध्याय, सुनिल पौडेल, रमेश पोख्रेल, रामबहादुर बुढा, रामशरण गायक, सफल श्रेष्ठ र निमबहादुर वलीले सफाइ पाएका छन्। 

अख्तियार दुरुपयोग अनुसन्धान आयोगले २०८० असोजमा बहालवाला सचिव मधु मरासिनीसहित ९ जनामाथि भ्रष्टाचार मुद्दा दायर गरेको थियो।

शुक्रबार विशेष अदालतका न्यायाधीशहरू टेकनारायण कुँवर तथा मुरारीबाबु श्रेष्ठको इजलासले यस्तो फैसला गरेको हो। सुनिल पौडेलको सजाय निर्धारणका लागि बैशाख २५ गतेको पेशी तोकिएको विशेषका अधिकृत यज्ञराज रेग्मीले जानकारी दिएका छन्। 

पौडेल नेपाल टेलिकमको प्रबन्ध निर्देशकका रुपमा कार्यरत थिए।

इन्टरप्राइज इमेलका नाममा सुनिल पौडेलको अनियमितता, एनआईटीसीसँगै टेलिकममा पनि प्रविधिको खरिदमा सुनिल र विकल पौडेलको सेटिङ साम्राज्यको अवसान