.jpg)
.jpg)
.gif)
.gif)
काठमाडौं- चालु आर्थिक वर्षको तेस्रो त्रैमासमा हिमालयन बैंकले १ अर्ब ९४ करोड रुपैयाँ खुद नाफा गरेको छ। गत वर्षको यसै अवधिमा बैंकले १ अर्ब ७४ करोड रुपैयाँ खुद नाफा गरेको थियो।
.gif)
यस अवधिमा बैंकको वितरणयोग्य नाफा ५ अर्ब २४ करोड रुपैयाँले ऋणात्मक देखिएको छ।
.gif)
.gif)
यस अवधिमा बैंकले ब्याज आम्दानी देखाएको तर नउठेको रकमबापत २ अर्ब १६ करोड रुपैयाँ प्रोभिजनिङ गरेको छ। जसले गर्दा बैंकको वितरणयोग्य नाफा उच्च रुपमा ऋणात्मक भएको हो।
गत वर्षको यस अवधिमा बैंकको वितरणयोग्य नाफा १ अर्ब ३२ करोड रुपैयाँले ऋणात्मक रहेको थियो।
बैंकको खराब कर्जा बढेर ४.९६ प्रतिशत पुगेकाले पनि वितरणयोग्य नाफा ऋणात्मक भएको हो। गत वर्षको यसै अवधिमा बैंकको खराब कर्जा ४.५६ प्रतिशत रहेको थियो।
गत वर्षको तुलनामा बैंकको इम्पियरमेन्ट चार्ज करिब २० करोड रुपैयाँले घटेकाले बैंकको खुद नाफा सामान्यरुपमा बढेको हो।
गत वर्षको तेस्रो त्रैमासमा बैंकको इम्पियरमेन्ट चार्ज २ अर्ब ४५ करोड ५१ लाख रुपैयाँ रहेको चालु आर्थिक वर्ष घटेर २ अर्ब २५ करोड ७३ लाख कायम भएको छ।
यस अवधिमा बैंकको कर्जा निक्षेप अनुपात ७९.४० प्रतिशत रहेको छ भने आधारदर ९.८४ प्रतिशत कायम भएको छ।
