काठमाडौं- प्रभु बैंकले तेस्रो त्रैमासमा १ अर्ब ८१ करोड रुपैयाँ खुद नाफा गरेको छ। गत वर्षको तुलनामा बैंकको खुद नाफा ७.२७ प्रतिशतले घटेपनि बैंकको अन्य सूचकहरुमा सामान्य सुधार देखिएको छ।
बैंकको खुद ब्याज आम्दानी गत वर्षको तुलनामा बढेको छ। गत वर्षको यसै अवधिमा बैंकले ६ अर्ब ६८ करोड रुपैयाँ खुद ब्याज आम्दानी गरेकोमा चालु आर्थिक वर्षको तेस्रो त्रैमासमा ८ अर्ब ४४ करोड रुपैयाँ खुद ब्याज आम्दानी गरेको छ।
चालु आर्थिक वर्षको तेस्रो त्रैमासको तुलनामा बैंकको खराब कर्जा बढेको छ। गत वर्षको तेस्रो त्रैमासमा ३.४८ प्रतिशत रहेको बैंकको खराब कर्जा बढेर ४.८१ प्रतिशत कायम भएको छ।
खराब कर्जा बढेकाले बैंकको वितरणयोग्य नाफा १६ करोड ६५ लाख रुपैयाँमा सीमित भएको छ।
यस अवधिमा बैंकले नउठेको ब्याजबापत ९४ करोड ७० लाख रुपैयाँ प्रोभिजनिङ गरेको छ।
गत वर्षको यसै अवधिमा बैंकको वितरणयोग्य नाफा १८ करोड २९ लाख रुपैयाँले ऋणात्मक रहेको थियो।
