काठमाडौं- अर्घाखाँची सिमेन्ट लिमिटेडले सर्वसाधारणमा प्राथमिक सार्वजनिक निष्कासन गर्नका लागि एनएमबी क्यापिटल लिमिटेडलाई निष्कासन तथा बिक्री प्रबन्धकमा नियुक्त गरेको छ।
सो सम्बन्धी सम्झौतापत्र आज एनएमबी क्यापिटल लिमिटेडको रजिस्ट्रार कार्यालयमा सम्पन्न भएको क्यापिटलले जनाएको छ।
कम्पनीले साधारण सेयर निष्कासन गर्नेसम्बन्धी कार्यको लागि एनएमबी क्यापिटल लिमिटेडलाई धित्तोपत्र निष्कासन तथा बिक्री प्रबन्धकमा नियुक्त गरेको हो।
निष्कासन तथा बिक्री प्रबन्धक नियुक्त गर्ने सम्बन्धी सम्झौतापत्रमा अर्घाखाँची सिमेन्टका तर्फबाट चिफ फाइनान्सियल अफिसर राजु पौडेल तथा धितोपत्र निष्कासन तथा बिक्री प्रबन्धक एनएमबी क्यापिटलको तर्फबाट प्रमुख कार्यकारी अधिकृत दीपेश कुमार वैद्यले सम्झौतापत्रमा हस्ताक्षर गरेका छन्।
नियामक निकायबाट तोकिएका सम्पूर्ण प्रक्रिया तथा आवश्यकताहरु पूरा गरी यथासम्भव छिटो निष्कासनको प्रक्रिया अगाडि बढाइने चिफ फाइनान्सियल अफिसर राजु पौडेलले बताए।
