आइतबार, जेठ १३ गते २०८१    
images
images

पर्यटक र पूर्वाधारको पर्खाइमा सेतिनी झरना

images
आइतबार, वैशाख २ २०८१
images
images
पर्यटक र पूर्वाधारको पर्खाइमा सेतिनी झरना

दुई वटा पहाडको बिचभागमा खोलाले बनाएको खोँचबाट खस्ने सेतीनी झरनाको उचाइ करिब एकसय ३० मिटर छ। बर्खामा पानी ठूलो हुँदा झरनामा इन्द्रेणी देखिन्छ। हिउँदमा झरनाको पानी वरपरको पहाडमा जमेर सेताम्मे हुन्छ।

images
images

म्याग्दी- म्याग्दीको रघुगंगा गाउँपालिका-७ स्थित सेतिनी झरना पर्यटक र पूर्वाधारको पर्खाइमा रहेको छ। पूर्वाधार र प्रचारप्रसारको कमीले प्रशस्त पर्यटकीय सम्भावना बोकेको यो झरना ओझेलमा परेको हो। समुद्रि सतहबाट दुई हजार छ सय ४० मिटर उचाइको पहाडमा रहेको सेतिनी झरना र आसपास मनमोहक दृष्य अवलोकन गर्न सकिन्छ।

images
images
images

रघुगंगा-७ चिमखोलाका सप्रसाद पुनले सेतिनि झरनाको सौन्दर्य स्थानीयस्तरमै सीमित भएको बताए। 'अग्लो पहाडबाट खस्ने झरना जति हेरे पनि धित मर्दैन', उनले भने, 'यसको सुन्दरताको प्रचारप्रसार नहुँदा पर्यटक भित्रन सकेका छैनन्।'

images

दुई वटा पहाडको बिचभागमा खोलाले बनाएको खोँचबाट खस्ने सेतीनी झरनाको उचाइ करिब एकसय ३० मिटर छ। बर्खामा पानी ठूलो हुँदा झरनामा इन्द्रेणी देखिन्छ। हिउँदमा झरनाको पानी वरपरको पहाडमा जमेर सेताम्मे हुन्छ। शान्त र एकान्त ठाउँमा अवस्थित यो झरनाको प्रचारप्रसार गर्न सके यस क्षेको पर्यटन प्रवर्द्धनमा टेवा पुग्ने पुनको भनाइ छ।

images
images

बस्तीबाट टाढा रहेको झरना वरपर लालीगुराँसको जंगल छ। निर्माणाधीन ठूलोखोला जलविद्युत् आयोजनाको बाँध र उपल्लो ठूलोखोला जलविद्युत् आयोजनाको विद्युत्गृहको नजिकै सेतिनी झरना अवस्थित छ।

images
images

उपल्लो ठूलोखोला जलविद्युत् आयोजनाको विद्युत्गृहबाट बाँधतर्फ जाने पहुँचमार्गको यात्रा गर्दा सेतिनी झरनालाई दायाँतर्फ देख्न सकिन्छ। चिमखोलाको मण्डली युवा क्लवले सडकको छेउमा उक्त झरना अवलोकनस्थल र सूचनामूलक बोर्ड राखेका छन्। स्थानीयवासी र जलविद्युत् आयोजनाका कर्मचारी तथा मजदुर थकान मेटाउन र रमाइलोका लागि झरना अवलोकन गर्न आउँछन्। 

झरनाको विशेषताका बारेमा प्रचारप्रसार र पूर्वाधार बनाउने हो भने पर्यटक भित्र्याउन सकिने सम्भावना रहेको सेतिनी भ्यालीमा होटल सञ्चालन गरेका चिमखोलाका कुशल पाइजाले बताए।

काठैकाठले निर्माण गरिएको टहरामा सञ्चालित होटल परिसरबाट सेतिनी झरना र धौलागिरि हिमालको दृष्य अवलोकन गर्न सकिन्छ। यो झरना धौलागिरि सेञ्चुरी, आइसफल र टोड्के-धौलागिरि पानोरमा सांस्कृतिक पदमार्गमा समेटिएको छ। 

तीन वटै धौलागिरि हिमालको आधार शिविर भएर म्याग्दी र मुस्ताङ आवतजावत गर्ने पदमार्ग हुन्। रघुगंगा-७ का वडाध्यक्ष थकबहादुर पाइजा (रिम)ले सेतिनी झरना हुँदै धौलागिरि आधार शिविर र मुस्ताङको लेते निस्कने पदमार्ग निर्माणलाई पूर्णता दिएर पर्यटक भित्र्याउन पहल गरिएको बताए। रासस


प्रकाशित : आइतबार, वैशाख २ २०८१०३:३९

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend