काठमाडौं- अर्थमन्त्री वर्षामान पुनले आन्तरिक राजस्व विभागका महानिर्देशक भुपाल बराल र उपमहानिर्देशक अर्जुनप्रसाद भट्टाराईको सरुवा गरेका छन्।
आन्तरिक राजस्व विभागमा महानिर्देशक रहेका बराललाई वातावरण विभागको महानिर्देशकमा सरुवा गरिएको छ भने उपमहानिर्देशक भट्टराईलाई संघीय मामिला तथा सामान्य प्रशासन मन्त्रालयमा लगिएको छ।
यस्तै वातावरण विभागमा रहेका शिवलाल तिवारीलाई अर्थ मन्त्रालय भित्र्याइएको छ। प्रधानमन्त्री तथा मन्त्रिपरिषद कार्यालयमा रहेका ढुण्डिराज निरौलालाई पनि अर्थ मन्त्रालय भित्र्याइएको छ। निरौलासँगै सहसचिव नारायणप्रसाद सापकोटा पनि अर्थ मन्त्रालय भित्रिएका छन्।
अर्थप्रशासनमा व्यापक हेरफेरको तयारी गर्दै अर्थमन्त्री पुन, बजेटको मुखमा कस्तो बन्ला टिम?