काठमाडौं- लामो समयदेखि रोकिएको स्वीजरल्याण्डसँगको हवाई सम्झौता सम्पन्न भएको छ।
नेपाल र स्वीजरल्याण्डसँग हवाई सम्झौता सम्पन्न भएको संस्कृति, पर्यटन तथा नागरिक उड्डयन मन्त्रालयका सहसचिव तथा हवाई उद्योग व्यवस्थापन महाशाखा प्रमुख बुद्धिसागर लामिछानेले बताए।
उनका अनुसार दुवै देशका एयरलाइन्सले सातामा २८ वटा उडान गर्न पाउने गरी दुईपक्षीय हवाई सम्झौता भएको हो।
जसमा ५० प्रतिशत उडान त्रिभुवन अन्तर्राष्ट्रिय विमानस्थलबाट र ५० प्रतिशत उडान काठमाडौं बाहिरको अन्तर्राष्ट्रिय विमानस्थलबाट उडान गर्नुपर्ने गरी हवाई सम्झौता भएको हो।
साथै कोड सेयरमार्फत समेत उडान गर्न पाउने गरी सम्झौता भएको छ।
योसँगै नेपालले ४२ देशसँग हवाई सम्झौता गरेको मन्त्रालयले जनाएको छ। थप देशसँग पनि हवाई सम्झौता हुने चरणमा रहेको मन्त्रालयले जनाएको छ।
