काठमाडौं- सन् २०२४ को जनवरीमा ७९ हजार एकसय पर्यटक नेपाल भित्रिएका छन्। एक महिनाको अवधिमा सबैभन्दा धेरै भारतबाट २४ हजार एकसय ३९ जना पर्यटक आएका छन्।
यस्तै दोस्रोमा चीनबाट ७ हजार २ सय ६७ पर्यटक आउँदा यूएसएबाट ७ हजार ४७ पर्यटक आएका छन्।
एक महिनामा थाइल्यान्डबाट मात्रै चार हजार ६ सय १९ पर्यटक नेपाल घुम्न आएका छन् भने दक्षिण कोरियाबाट तीन हजार ८ सय १२, बंगलादेशबाट तीन हजार ६ सय २९, अष्ट्रेलियाबाट तीन हजार ४ सय २१, यूकेबाट तीन हजार २ सय ७६, भुटानबाट दुई हजार २ सय २९ र जापानबाट एक हजार पाँचसय ६८ पर्यटक आएका छन्।
सन् २०२३ मा १० लाख १४ हजार ८ सय ७१ जना पर्यटक नेपाल भ्रमणमा आएका थिए। २०२३ को डिसेम्बरमा मात्रै ९६ हजार ५ सय ६६ जना पर्यटकले नेपाल भ्रमण गरेका थिए भने सो वर्षको जनवरीमा ५५ हजार ७४ पर्यटक आएका थिए।
