काठमाडौं- सिटिजन लाइफ इन्स्योरेन्सले लाभांश दिने प्रस्ताव गरेको छ। पुस १६ गते बसेको कम्पनीको सञ्चालक समितिको बैठकले गत आर्थिक वर्षको नाफाबाट लगानीकर्ताहरुलाई बोनस सेयर तथा नगद लाभांश दिने निर्णय गरेको हो।
कम्पनीको सञ्चालक समितिले कुल ५.२६ प्रतिशत लाभांश दिने प्रस्ताव गरेको छ। सो लाभांशमध्ये ५ प्रतिशतले हुन आउने १८ करोड ७५ लाख बराबरको बोनस सेयर दिने निर्णय बैठकले गरेको छ।
यस्तै, बोनसमा लाग्ने कर प्रयोजनका लागि कम्पनीले ०.२६ प्रतिशतले हुन आउने ९८ लाख ६८ करोड बराबरको नगद लाभांश दिने भएको छ।
प्रस्तावित लाभांश नेपाल बीमा प्राधिकरणबाट स्वीकृत भई आगामी सातौँ वार्षिक साधारण सभाबाट अनुमोदन भएपश्चात् मात्र लगानीकर्ताहरुलाई वितरण गरिनेछ।
