काठमाडौं- सरकारले सचिवहरूको सरुवा गरेको छ। सोमबार बसेको मन्त्रिपरिषद् बैठकले सचिवहरूको सरुवा गरेको हो।
संस्कृति पर्यटन तथा नागरिक उड्डयन मन्त्रालयमा रहेका सचिव यादवप्रसाद कोइरालालाई शिक्षा मन्त्रालय, एकनारायण अर्याललाई संघीय मामलाबाट श्रम मन्त्रालय सरुवा गरिएको छ।
प्रधानमन्त्री कार्यालयमा हरेका महेश्वर न्यौपानेलाई पर्यटनमा, शिक्षामा रहेका रामप्रसाद थपलियालाई प्रधानमन्त्री कार्यालयमा सरुवा गरिएको छ। त्यस्तै सचिव सुरेश अधिकारीलाई निर्वाचनबाट सामान्य प्रशासन मन्त्रालयमा सरुवा गरिएको हो।
सहरी विकास मन्त्रालयका सचिव रमेश सिंहलाई जगेडामा सरुवा गरिएको छ। ऊर्जा आयोगका सचिव मनीलाल गेलाललाई सहरी विकास लिइएको छ।
वित्त आयोगका सचिव गोकर्णमणी दुवाडीलाई निर्वाचन आयोग र प्रधानमन्त्री कार्यालयका सचिव भरतमणी सुवेदीलाई वित्त आयोग पठाइएको छ।
