काठमाडौं- तीन लघुवित्त कम्पनीले फरदर पब्लिक अफरिङ (एफपीओ) जारी गर्ने अन्तिम तयारीमा रहेको छ।

एफपीओ ल्याउने अन्तिम तयारीमा रहेका किसान लघुवित्त कम्पनी, नयाँ साथी लघुवित्त कम्पनी र मिर्मिरे लघुवित्त कम्पनीले एफपीओ जारीका लागि नेपाल धितोपत्र बोर्डको अनुमति कुरेर बसेका छन्। तीनवटै कम्पनीले दुई सय रुपैयाँभन्दा पनि सस्ताे मूल्यमा एफपीओ ल्याउन लागेका हुन्।

जसको लागि नेपाल धितोपत्र बोर्डमा अनुमतिको अन्तिम चरणमा रहेका कम्पनीहरूले केही महिनामै उक्त एफपीओ जारी गर्ने भएका छन्। किसान लघुवित्त कम्पनी प्रतिकित्ता १२५ रुपैयाँ प्रतिकित्ताका दरले १२ लाख ९८ हजार २ सय ५९ कित्ता जारी गर्नका लागि आवेदन दिएको छ।

साथी लघुवित्त कम्पनीले ११६ रुपैयाँ प्रतिकित्ताका दरले ३ लाख २९ हजार ६ सय ४९ कित्ता सेयर एफपीओ जारीका लागि आवेदन दिएको छ। भने मिर्मिरे लघुवित्त कम्पनीले १७७.८ प्रतिकित्ताका दरले ५१ हजार ३ सय १६ कित्ता सेयर एफपीओ जारीका लागि अनुमती माग गरेको छ। 

विगतमा बैंकहरुले पनि एफपीओ जारी गर्ने गरेका थिए। तर राष्ट्र बैंकले एफपीओ जारीमा कडाई गरेसंगै धेरै वित्तीय संस्थाहरु पछाडि हटेका थिए।