काठमाडौं- चालु आर्थिक वर्षको कात्तिक महिनासम्ममा आयात गत वर्षको तुलनामा ३.७९ प्रतिशतले घटेको छ।
गत वर्षको यसै अविधिमा ५ खर्ब ३२ अर्ब रुपैयाँ आयात भएकोमा चालु आर्थिक वर्षको कात्तिकसम्ममा ५ खर्ब १६ अर्ब रुपैयाँको वस्तु आयात भएको छ।
चालु आर्थिक वर्षको असोज महिनामा भने आयात बढेको थियो। असोजमा करिब १ खर्ब ४८ अर्ब रुपैयाँको वस्तु आयात भएको थियो। कात्तिकमा भने १ खर्ब ५ अर्ब रुपैयाँको मात्रै वस्तु आयात भएको छ।
आयातसँगै निर्यात पनि घटेको छ। गत वर्षको कात्तिकसम्ममा ५४ अर्ब ७७ करोड रुपैयाँ निर्यात भएकोमा चालु आर्थिक वर्षको पहिलो ४ महिनामा ५० अर्ब ५६ करोड रुपैयाँको मात्रै निर्यात भएको छ।
आयात निर्यात दुबै घटेकाले कात्तिकमा व्यापार घाटा ३.३४ प्रतिशतले घटेको छ। चालु आर्थिक वर्षको चार महिनामा कुल व्यापार घाटा ४ खर्ब ६२ करोड रहेको छ। गत वर्षको सोही अवधिमा व्यापार घाटा ४ खर्ब ७८ करोड रुपैयाँ रहेको थियो।
