काठमाडौं- नेपाल एसबीआई बैंकले गत आर्थिक वर्षको नाफाबाट लगानीकर्तालाई १०.५५ प्रतिशत लाभांश दिने प्रस्ताव गरेको छ। बैंकको सञ्चालक समिति बैठकले उक्त लाभांश प्रस्ताव गरेको हो।
बैंकले घोषणा गरेको लाभांशमध्ये ६.८ प्रतिशत नगद लाभांश दिने प्रस्ताव गरेको छ। यस्तै बैंकले गत वर्षको नाफाबाट ३.८० प्रतिशत मात्रै बोनस दिने तयारी गरेको छ।
उक्त लाभांश प्रस्ताव राष्ट्र बैंकले स्वीकृत गरेपछि बैंकको साधारणसभाबाट पारित भएसँगै लगानीकर्ताले प्राप्त गर्नेछन्। बैंकको हाल चुक्त पुँजी १० अर्ब १२ करोड रुपैयाँ रहेको छ।
