काठमाडौं- नेपाल राष्ट्र बैंकले १६ अर्ब ४९ करोड रुपैयाँ बराबरको ट्रेजरी बिल नवीकरण गर्ने भएको छ।
८ अर्ब रुपैयाँ बराबरको २८ दिने, ४९ करोड रुपैयाँ ९१ दिने, १ सय ८२ दिने ६ अर्ब रुपैयाँ र ३ सय ६४ दिने २ अर्ब रुपैयाँ बराबरको ट्रेजरी बिल नवीकरणका लागि राष्ट्र बैंकले बोलकबोल आह्वान गरेको छ।
दसैँ बिदाका कारण उक्त ट्रेजरी बिल आगामी कार्तिक १० गते जारी हुने छ। असोज २९ गते भएको बोलकबोलअनुसार ९१ दिने ट्रेजरी बिलको भारित औषत ब्याजदर ४.२७ प्रतिशत कायम भएको छ।
यस्तै १ सय ८२ दिने ट्रेजरी बिलको ब्याजदर ५.१२ प्रतिशत र ३ सय ६४ दिने ट्रेजरी बिलको ब्याजदर ५.७८ प्रतिशत कायम भएको छ।
