काठमाडौं- सिटिजन्स इन्टरनेशलन बैंकको शुक्रबार बसेको साधारणसभाले आर्थिक वर्ष २०७९/८० को नाफाबाट ५.७९ प्रतिशत नगद लाभांश दिने प्रस्ताव पारित गरेको छ।
बैंकको संचालक समिति बैंठ्कले असोज ५ गते नगद लाभांश दिने प्रस्ताव गर्दै असोज २६ लाई साधारणसभाको मिति तोकेको थियो।
साधारण सभाले गत आर्थिक वर्ष २०७९/८० को नाफाबाट ५.७९ प्रतिशतका दरले हुन आउने ८२ करोड २१ लाख ६१ हजार ६५२ रुपैयाँबराबरको नगद लाभांश (लाभांश करसमेत) दिने प्रस्ताव पारित गरेको हो।
गत आर्थिक वर्ष १ खर्ब ८३ अर्ब रुपैयाँ खुद नाफा गरेको यस बैंकको कुल चुक्ता पुँजी १४ अर्ब २० करोड रुपैयाँ रहेको छ।
यस्तै बैंकको साधारणसभाले बैंकको संचालक समिति अध्यक्षमा प्रवलजंग पाण्डलाई नियुक्ति गरेको छ। यस्तै विशेष प्रस्तावको रुपमा बैंकले मर्जर प्रक्रियामा जान उपयुक्त साझेदार खोजी गर्ने समेत पारित गरेको छ।
