काठमाडौं- चीनको बजार नियामकले अलिबाबा लगायतका प्रविधिमा आधारित कम्पनीहरुलाई जरिबाना तिराएको छ। अलिबाबा, बैदु र जेडी डटकम लगायतका कम्पनीलाई जरिबाना तिराइएको हो।
सन् २०१२ मा भएको कारोबार गैरकानूनी भएको भन्दै नियामकले अहिले आएर जरिबाना तिराएको रोयटर्सले समाचार लेखेको छ। यी कम्पनीहरुले एकाधिकार कायम राख्ने मनासयबाट ४३ वटा कारोबार गरेको भन्दै जरिबाना तिराइएको हो।
प्रत्येक कम्पनीलाई ७८ हजार अमेरिकी डलर जरिबाना लगाइएको छ। चीनको एकाधिकार विरोधन ऐन-२००८ अनुसार उक्त जरिबाना तिराइएको हो।
पछिल्लो समय चीनले इन्टरनेटमा आधारित व्यवसायलाई कडाइ गर्दै आएको छ। डेटा सुरक्षा तथा एकाधिरकारको विषयलाई लिएर चीनले पछिल्लो समय टेक जायन्टहरुमाथि डन्डा चलाइरहेको छ।
यी कम्पनीहरुले सन् २०१२ मा समान प्रकृतिका व्यवसाय भएका तर सानो पुँजी भएका कम्पनीलाई आफूसँग गाभ्ने काम गरेका थिए। यसले बजारमा प्रतिस्पर्धा सीमित बनाएको चिनिया नियामकको आरोप रहेको छ।
