काठमाडौं- प्रधानमन्त्री पुष्पकमल दाहाल 'प्रचण्ड' को चीन भ्रमणका क्रममा नेपाल र चीनबीच १३ बुँदे सम्झौता भएको छ।
सोमबार बिहान बेइजिङस्थित ग्रेट हल अफ द पिपुलमा प्रधानमन्त्री दाहाल र चिनियाँ समकक्षी लि छ्याङको उपस्थितिमा १३ बुँदे समझदारी पत्रमा हस्ताक्षर भएको हो।
कृषि, सञ्चार, विज्ञान तथा प्रविधि, विद्युत्, सडक पूर्वाधार, व्यापारलगायतका १३ वटा परियोजनामा सम्झौता भएको हो।
.jpg)
प्रधानमन्त्री दाहाल असोज ६ गते चीन पुगेका हुन्। चीनमा आयोजित विभिन्न कार्यक्रममा प्रधानमन्त्री सहभागी भएका थिए। भ्रमणका क्रममा प्रम दाहाल नेपालसँग सीमाना जोडिएको चीनको तिब्बत स्वशासित क्षेत्रको भ्रमणमा जाने पनि कार्यक्रम छ।
तिब्बतमा रहँदा पनि उनले त्यहाँका उच्चपदस्थ अधिकारीसँग भेटवार्ता गर्ने कार्यक्रम छ। प्रधानमन्त्री दाहाल आफ्नो प्रतिनिधिमण्डलसहित यही सेप्टेम्बर ३० मा नेपाल फर्किने कार्यक्रम छ।
