 (2).gif)
काठमाडौं- नेपाल राष्ट्र बैंकले १८ अर्ब ७१ करोड २५ लाख रूपैयाँ बराबरको ट्रेजरी बिल नवीकरण गर्ने भएको छ।
राष्ट्र बैंकले २८ दिने ८ अर्ब रूपैयाँ, ९१ दिने १० अर्ब ११ करोड २५ लाख र १८२ दिने ६० करोड रूपैयाँ बराबरको ट्रेजरी बिल नवीकरणका लागि बोलकबोल आह्वान गरेको छ।
असोज ९ गतेसम्ममा उक्त ट्रेजरी बिलहरु नवीकरणका लागि आवेदन दिन सक्ने राष्ट्र बैंकले जनाएको छ।
असोज १ गते भएको बोलकबोल अनुसार ९१ दिने ट्रेजरी बिलको औसत भारित ब्याजदर ५.४६९४ प्रतिशत, १८२ दिने ट्रेजरी बिलको औसत भारित ब्याजदर ६.०४३२ प्रतिशत र ३६४ दिने भारित औसत ब्याजदर ६.२२१८ प्रतिशत कायम भएको छ।
