काठमाडौं- चालु आर्थिक वर्षको पहिलो महिना साउनमै १ खर्ब १६ अर्ब रुपैयाँ रेमिट्यान्स भित्रिएको छ। समीक्षा अवधिमा रेमिट्यान्स २५.८ प्रतिशतले बढेको छ। अघिल्लो वर्ष सोही अवधिमा विप्रेषण आप्रवाह २०.३ प्रतिशतले बढेको थियो। अमेरिकी डलरमा यस्तो विप्रेषण २१.५ प्रतिशतले बढेर ८७ करोड ९८ लाख भित्रिएको छ। 

समीक्षा अवधिमा खुद ट्रान्सफर २६.१ प्रतिशतले बढेर १ अर्ब ३८ अर्ब २१ करोड रुपैयाँ पुगेको छ। अघिलो आर्थिक वर्षको सोही अवधिमा यस्तो ट्रान्सफर १८.४ प्रतिशतले बढेको थियो। 

समीक्षा अवधिमा वैदेशिक रोजगारीका लागि अन्तिम श्रम स्वीकृति लिनेको संख्या भने १२.१ प्रतिशतले घटेको छ। यस अवधिमा ३९ हजार १५२ ले श्रम स्वीकृति लिएका छन्। 

यस्तै वैदेशिक रोजगारीका लागि पुन: श्रम स्वीकृति लिनेको संख्या १९.५ प्रतिशतले घटेर १६ हजार ४२३ कायम भएको छ। अघिल्लो वर्षको सोही अविधिमा यस्तो संख्या ७५.४ प्रतिशतले बढेको थियो। 

गत आर्थिक वर्षको अन्त्यसम्ममा नेपालमा कुल १२ खर्ब २० अर्ब रुपैयाँ रेमिट्यान्स भित्रिएको थियो।