काठमाडौं- त्रिभुवन अन्तर्राष्ट्रिय विमानस्थलबाट बरामद भएको ६० किलो सुन प्रकरणमा थप तीन जना पक्राउ परेका छन्।

केन्द्रीय अनुसन्धान ब्युरो (सीआईबी)ले त्रिभुवन विमानस्थल भन्सार कार्यालयका भन्सार अधिकृत पुष्पा जोशी, दुई नायब सुब्बा कमल परियार र वीरेन्द्र नेपालीलाई पक्राउ गरेको हो। 

सुन तस्करी प्रकरणमा उनीहरुको पनि संलग्नता देखिएपछि शनिबार उनीहरुलाई सीआईबीले पक्राउ गरेको हो। 

योसँगै पक्राउ पर्नेको संख्या ३० पुगेको छ।

स्कुटरको ‘ब्रेक शु’को नाममा हङकङबाट अवैध रुपमा लुकाएर ल्याइएको उक्त परिमाणको सुन विमानस्थल भन्सार कार्यालय अगाडि सिनामंगलबाट गएको साउन २ गते राजस्व अनुसन्धान विभागले बरामद भएको थियो। 

यस प्रकरणको अहिले प्रहरीको केन्द्रीय अनुसन्धान ब्यूरो (सीआईबी) ले अनुसन्धान गरिरहेको छ।