काठमाडौं- आलु खेती गर्ने कृषकको संख्या तीन दशकमा ७ लाख ३५ हजारबाट बढेर १७ लाख ७८ हजार पुगेको छ। कृषि गणना २०७८ अनुसार नेपालमा आलु खेती गर्ने किसानको संख्यामा ठूलो मात्रामा वृद्धि भएको छ।
२०६८ को कृषि गणनाअनुसार नेपालमा आलु खेती गर्ने कृषकको संख्या १६ लाख ४० हजार रहेको थियो। आलु खेती गर्ने कृषकको संख्या बढेपनि खेती गर्ने जमिनको क्षेत्रफल भने घटेको हो।
दश वर्षमा ७ हजार हेक्टर घटेर ९९ हजार हेक्टरमा मात्रै आलु खेती हुने गरेको कृषि गणना २०७८ मा उल्लेख छ। सबैभन्दा बढी आलु खेती हुने प्रदेश कोशी र सबैभन्दा बढी काभ्रे जिल्लामा उत्पादन हुने गरेको छ।
