.gif)
.gif)
काठमाडौं- नेपाल आयल निगमले खाना पकाउने एलपी ग्याससहित डिजेल तथा पेट्रोलको मूल्य बढाएकाे छ।
निगमले शुक्रबारदेखि लागु हुनेगरी खाना पकाउने ग्यासमा प्रतिसिलिण्डर २ सय ३५ रुपैयाँले मूल्य वृद्धि गरेको हाे।
मूल्य वृद्धि भएसँगै ग्यास प्रतिसिलिण्डर १ हजार ८ सय ९५ रुपैयाँ कायम भएकाे छ। एक महिना अगाडि निगमले ग्यासमा प्रतिसिलिण्डर १ सय ३० रूपैयाँ मूल्य घटाएकाे थियो।
त्यसैगरी निगमले पेट्रोलको मूल्य प्रतिलिटर ४ रूपैयाँ र डिजेल तथा मट्टीतेलमा प्रतिलिटर ३ रुपैयाँ मूल्य बढाएकाे हो।
मूल्य वृद्धिसँगै अब पेट्रोल काठमाडौंमा प्रतिलिटर १ सय ८२ र डिजेल/मट्टितेल प्रतिलिटर १ सय ७० रूपैसाँ पुगेको छ। यसअघि पेट्रोल प्रतिलिटर १ सय ७८ रूपैसाँ र डिजेल/मट्टितेल १ सय ६७ रुपैयाँ थियो।
वृद्धि भएको मूल्य आज मध्यरातिदेखि नै लागु हुने निगमले जनाएको छ।
