.gif)
.gif)
काठमाडौं- काठमाडौं महानगरभित्र आज र भाेलि विभिन्न सडकमा सवारी साधन प्रवेशमा रोक लगाइएको छ।
काठमाडौंको ऐतिहासिक तथा सांस्कृतिक महत्वको गँपुन्हि (क्वाति पुन्हि र सापारु (गाईजात्रा) २०८० भदौ १४ गते, बिहीबार र १५ गते, शुक्रबार ( नेपाल सम्बत् ११४३ गुँलाथ्व पुन्ही व गुँलागा दुतिया) का दिन भएकाले उक्त दिन जात्रा हुने भएकाले महानगरपालिकाले ती सडक मार्गमा सवारी साधन प्रवेशमा रोक लगाउने निर्णय गरेको हो।
गाइजात्रा हुने मार्ग असन, केलटोल, ईन्द्रचोक मखन, हनुमाढोका दरबार परिसर, मरू टोल -चिकँमुगल, जैशिदेवल, ज्याबहाल लगन चोक, गोफल ब्रम्हटोल, बन्डे, ह्युमत जैशिदेवल, कोहिटि, भिमसेनस्थान, मरू टोल, प्याफल, ढोकाटोल, मुकुमबहीमा सवारी साधन प्रवेश निषेध गरिएको छ।
यस्तै यट्खा, नरदेवी, टेंगल, न्ह्योखा, बांगेमुढा, न्हैकन्तला, असन, कमलाछि र भोताहिटि हुँदै असन जाने मार्गमा पनि आज र भोलि दुई दिन सवारीसाधन प्रवेश निषेध गरिएको कामपाले जनाएको छ।
