.gif)
.gif)
काठमाडौं- सार्वजनिक खरिद अनुगमन कार्यालयले १५ वटा निर्माण व्यवसायीलाई कालोसूचीमा राख्न लिखित स्पष्टीकरण पेस गर्न भनेको छ।
कार्यालयले १५ वटा सार्वजनिक निकायबाट कालोसूचीमा राख्नका लागि गरिएको सिफारिसका आधारमा लिखित स्पष्टीकरण पेस गर्न भनेको हो।
विभिन्न सार्वजनिक निकायबाट आएको सिफारिसका आधारमा सार्वजनिक खरिद अनुगमन कार्यालयले १५ वटा निर्माण कम्पनी तथा आपूर्तिकर्तालाई ३० दिनभित्र लिखित स्पष्टीकरण पेस गर्न भनेको थियो। तर कार्यालयले उक्त अवधिमा कुनै पनि कम्पनीले जवाफ नदिएकाले सोमबार पुनः ७ दिनभित्र लिखित स्पष्टीकरण पेस गर्न सूचना प्रकाशित गरेको हो।
कार्यालयले सार्वजनिक खरिद नियमावली २०६४ को नियम १४१ को उपनियम ४ 'क' को प्रयोजनार्थ सूचना प्रकाशित भएको जनाएको छ।
