काठमाडौं- नेपाल राष्ट्र बैंकले एकिकृत निर्देशन जारी गर्दै ब्याज तिर्न नसकेको अवस्थामा पुस मसान्तसम्म ५ प्रतिशत तिर्ने ऋणीलाई पुनरतालिकीकरण गरिने भएको  छ।

निर्देशनमा (ख) बुँदा (क) बमोजिम २०७८ असार मसान्तभित्र पुनरसंरचना/पुनरतालिकीकरण गर्न असमर्थ कोमिड–१९ बाट अति प्रभावित पर्यटन, चलचित्र, पार्टी प्यालेस, सार्वजनिक यातायात तथा शिक्षा क्षेत्रका ऋणीहरुहरुको हकमा उक्त व्यवस्था गर्न निर्देशन दिएको हो। 

शर्तहरुको अधिनमा रहि बुझाउनु पर्ने ब्याजको ५ प्रतिशत रकम असूल उपर गरी २०७८ पुस मसान्तभित्र कर्जाको पुनरसंरचना ÷ पुनरतालिकीकरण गर्न सकिने व्यवस्था गरिएको हो।

कर्जाहरुको लागि न्यूनतम ५ प्रतिशत कर्जा नोक्सानी व्यवस्था कायम गरी असल वर्गमा वर्गीकरण गर्न सकिनेछ। यसरी कर्जा पुनरतालिकीकरण वा पुनरसंरचना गरिएका स्पष्ट आधारहरु प्रत्येक कर्जा फाइलमा संलग्न हुनु पर्ने ।

मूल्याङकन गरी ऋणीको लिखित कार्ययोजना अनुसार भविष्यमा उद्योग व्यवसाय सञ्चालनमा आई ऋण चुक्ता हुन सक्नेमा बैंक तथा वित्तीय संस्था आश्वस्त भएमा पुनरतालिकीरकण वा पुनरसंरचना गर्न सकिने व्यवस्था समेत गरेको छ।