काठमाडौं- चालु आर्थिक वर्षको पहिलो महिना साउनमा गत आर्थिक वर्षको तुलनामा २ अर्ब अर्थात १.५६ प्रतिशतले आयात घटेको छ। गत आर्थिक वर्षको साउनमा १ खर्ब ३१ अर्ब २३ करोड रुपैयाँ बराबरको वस्तु आयात भएकोमा चालु आर्थिक वर्ष सोही अवधिमा १ खर्ब २९ अर्ब २३ करोड रुपैयाँको आयात भएको छ।
आयातसँगै निर्यात पनि यस अवधिमा ८.५६ प्रतिशतको संकुचन भएको छ। गत आर्थिक वर्षको पहिलो महिनामा निर्यात १४ अर्ब ८१ करोड भएकोमा चालु आर्थिक वर्षको यसै अविधमा १३ अर्ब ५२ करोड रुपैयाँ बराबर वस्तु निर्यात भएको छ।
यस अवधिमा व्यापार घाटा ०.६६ प्रतिशतले घटेको छ। अघिल्लो आर्थिक वर्ष वस्तु व्यापार घाटा १ खर्ब १६ अर्ब ४७ करोड रहेकोमा चालु आर्थिक वर्षको साउनमा १ खर्ब १५ अर्ब ७१ करोड कायम भएको छ।
.jpg)
यस अवधिमा आयात निर्यात अनुपात भने गत आर्थिक वर्षको तुलनामा बढेको छ। गत आर्थिक वर्षको यस अवधिमा आयात निर्यात अनुपात ८.८६ गुणा रहेकोमा चालु आर्थिक वर्ष ९.६६ गुणा पुगेको छ।
