भैरहवा- अर्घाखाँची सिमेन्ट उद्योगलाई नेपाल विद्युत प्राधिकरणले थप ५ मेगावाट बिजुली दिएको छ। प्राधिकरणले अहिलेकै संरचननाबाट उद्योगलाई थप ५ मेगावाट बिजुली दिएको हो।
अर्घाखाँची सिमेन्टले थप पाँच मेगावाट बिजुली पाएसँगै कुल १५ मेगावाट बिजुली पाएको छ। अर्घाखाँची सिमेन्ट उद्योगले ६ वर्षदेखि १० मेगाावाट बिजुली माग्दै आएको थियो।
तर प्राधिकरणले बिजुली दिन सकेको थिए। अहिले पनि बिजुली खेर जान थालेपछि प्राधिकरणले १० मेगावाट माग गरे पनि नयाँ संरचना नबन्दासम्मका लागि पुरानै संरचनाबाट ५ मेगावाट बिजुली दिएको हो।
अर्घाखाँची सिमेन्टका सञ्चालक पशुपति मुरारकाले प्राधिकरणसँग १० मेगावाट बिजुली मागे पनि तत्काल ५ मेगावाट बिजुली दिएकोे बताए।
पछिल्याे समय नेपालबाट बिजुली खेर जान थालेपछि नेपाल विद्दुत प्राधिकरणका कार्यकारी निर्देशक कुलमान घिसिङले उद्याेगमै धाएर बिजुलीकाे व्यवस्था गराउँदै हिडेका छन्।
आइतबार मात्रै हाेङ्सी सिमेन्टलाई ३० मेगावाट बिजुली दिएकाे थियाे। त्यस्तै जगदम्बा सिमेन्टलाई पनि दिने तयारी गरेकाे छ। अन्य उद्याेगलाई पनि बिजुली जाेड्नका लागि पूर्वाधार खडा गरिदिने प्राधिकरणले जनाउँदै आएकाे छ।
