काठमाडौं- चालु आर्थिक वर्षको पहिलो महिना साउनमा लिखित पास ३९ हजार २ सय ६३ भएको छ।
भूमि व्यवस्थापन तथा अभिलेख विभागका अनुसार गत वर्षको साउनको तूलनामा ५ हजार ४ सय २९ लिखित पास बढी भएको छ। गतवर्षको साउनमा ३३ हजार ८ सय ३४ लिखित पास भएको छ। यो गत वर्षको तुलनामा १४ प्रतिशतले बढी हो।
असारको तुलनामा भने साउनमा लिखत पारित ९ हजार ५०८ ले घटेको हो। असारमा देशभरका मालपोत कार्यालयहरुबाट ४८ हजार ७७१ लिखत पारित भएको थियो। सरकारले कित्ताकाट खुलाएसँगै भदौबाट बढ्ने अनुमान गरिएको छ। सरकारले साउन मसान्तमा आएर कित्ताकाट फुकुवा गर्ने निर्णय गरेपछि अब घरजग्गा कारोबारले गति लिने विश्वास गरिएको छ।
.jpg)
त्यसैगरी, साउनमा घरजग्गा कारोबारबाट सरकारले उठाउने राजस्व पनि घटेको छ। साउनमा २ अर्ब ९१ करोड रूपैयाँ राजस्व उठेको छ। गत वर्षको साउनमा २ अर्ब १६ करोड रूपैयाँ राजश्व संकलन भएको थियो। घरजग्गा किनबेचबाट असारमा ४ अर्ब २७ करोड रूपैयाँ राजस्व उठेको थियो।
