काठमाडौं- गत आर्थिक वर्ष वैदेशिक अध्ययनमा १ खर्ब ४२ करोड ३३ लाख रूपैयाँ मुलुकबाट बाहिरिएको छ। नेपाल राष्ट्र बैंकले प्रकाशन गरेको वार्षिक आर्थिक तथा वित्तीय स्थितिमा वैदेशिक अध्ययनका लागि नेपालबाट बाहिरिने रकम बढेको देखाएको छ। अघिल्लो आर्थिक वर्ष वैदेशिक अध्ययनका लागि ६७ अर्ब ७० करोड रुपैयाँ बाहिरिएको थियो।
गत आर्थिक वर्ष वैदेशिक भ्रमण बापतको व्यय ४४ अर्ब पुगेको छ। यस्तो व्यय अघिल्लो आर्थिक वर्षको तुलनामा गत आर्थिक वर्ष ४८.२ प्रतिशतले बढेको छ। अघिल्लो आर्थिक वर्ष भ्रमण व्यय बापत ३० अर्ब रुपैयाँ बाहिरिएको राष्ट्र बैंकको तथ्याङ्कले देखाएको छ।
गत आर्थिक वर्ष नेपालको खुद सेवा आय ८३ अर्ब ८५ करोडले घाटामा देखिएको छ। अघिल्लो आर्थिक वर्षको तुलनामा भने गत आर्थिक वर्ष सेवातर्फको घाटामा कमी आएको छ। अघिल्लो आर्थिक वर्ष खुद सेवा आय १ खर्ब ८ अर्बले घाटामा रहेको थियो।
.jpg)
समीक्षा अवधिमा सेवा खाताअन्तर्गत भ्रमण आय ८९.६ प्रतिशतले बढेर ६१ अर्ब ५२ करोड पुगेको छ। अघिल्लो आर्थिक वर्ष यस्तो आय ३२ अर्ब ४५ करोड मात्रै रहेको थियो।
