काठमाडौं- चौसमिक रुपमा भ्याट विवरण बुझाउनसक्ने सुविधा पाएका निश्चित उद्योगको सुविधा खारेज भएको छ।

मूल्य अभिवृद्धि करमा भएको संसोधनअनुसार आन्तरिक राजस्व विभागले चालु वर्षदेखि लागु हुने यस्तो व्यवस्थाका बारेमा जानकारी गराएको छ। 

ईटा उद्योग, होटल, पर्यटन तथा चलचित्र घरले चालु वर्षको साउनदेखि नै मासिक भ्याट विवरण बुझाउनुपर्ने भएको छ। यसअघि यस्ता उद्योगले चार महिनामा विवरण बुझाउने सुविधा पाएका थिए।

मूल्य अभिवृद्धि कर नियमावली २०५३ को नियम २६ मा भएको संसोधनअनुसार यस्ता उद्योगले अबदेखि मासिक विवरण बुझाउनुपर्ने भएको छ। 

तर एक रुपैयाँ रुपैयाँसम्मको वार्षिक कारोबार हुने करदाताले भने चौमासिक सुविधा पाउने भएका छन्। भ्याट लाग्ने वर्षमा १ करोडसम्मको कारोबार गर्ने सबै करदाताले अबदेखि चौमासिक विवरण बुझाउनसक्ने भएका छन्। 

यसअनुसार अबदेखि मंसिर, चैत र साउनमा मात्र कर विवरण बुझाउनसक्ने भएका छन्।