काठमाडौं- पेट्रोलियम पदार्थको मूल्यवृद्धि भएसँगै सार्वजनिक यातायातको भाडा पनि बढेको छ। बुधबारदेखि लागु हुनेगरी यातायात व्यवस्था विभागले नयाँ भाडादर सार्वजनिक गरेको हो।

नयाँ भाडा दरअनुसार यात्रुवाहक सवारी साधनको ४.७० प्रतिशत, पहाडी बाटोमा सञ्चालन हुने मालवाहक सवारीको ६.१५ प्रतिशतले वृद्धि भएको छ भने तराईमा चल्ने मालवाहक सवारीको ६.८३ प्रतिशतले भाडा वृद्धि भएको छ।

नेपाल आयल निमले मंगलबार राति १२ बजेदेखि लागु हुनेगरी पेट्रोलियम पद्धार्थको मूल्यवृद्धि गरेसँगै वैज्ञानिक भाडा समायोजन प्रणाली अनुसार स्वचालितरुपमा सार्वजनिक यातायातको भाडा वृद्धि भएको हो।

निगमले पेट्रोलमा प्रतिलिटर ५ रूपैयाँ र डिजेल/मट्टितेलमा प्रतिलिटर १४ रूपैयाँले वृद्धि गरेको छ। मंगलबारको नयाँ मूल्यअनुसार पेट्रोलको प्रतिलिटर पहिलो वर्गमा १७५.५, दोस्रोमा १७७ र तेस्रो वर्गमा १७८ रूपैयाँ भएको छ। त्यस्तै, डिजेल र मट्टितेलको प्रतिलिटर पहिलो वर्गमा १६४.५, दोस्रोमा १६६ र तेस्रोमा १६७ रूपैयाँ कायम भएको छ।

कहाँको कति भाडा?