काठमाडौं- चालु आर्थिक वर्ष २०८०/०८१ को २२ दिनमै २० वटा नयाँ उद्योग दर्ता भएका छन्। उद्योग विभागका अनुसार साउन १ गतेदेखि २२ गतेसम्म २० वटा उद्योग दर्ता भएका हुन्।
सबैभन्दा बढी लगानी प्रतिबद्धता हाइड्रोपावरमा रहेको छ। २२ दिनमा दर्ता भएका उद्योगमा २० अर्ब ५१ करोड ७५ लाख रूपैयाँको प्रतिबद्धता आएको छ। जसमा सबैभन्दा धेरै लगानी प्रतिबद्धता सिम्बुवा रेमिट हाइड्रोपावरमा आएको छ।
यो हाइड्रोपावरमा मात्रै १३ अर्ब १९ करोड ९१ लाख रूपैयाँको लगानी प्रतिबद्धता आएको हो। यसमा शतप्रतिशत लगानी नेपाली रहेको छ। यो हाइड्रोपावरबाट ११७.४३ मेगावाट क्षमताको बिजुली उत्पादन हुनेछ।
.jpg)
यसैगरी दोस्रो धेरै लगानी प्रतिबद्धता इन्भेष्टमेन्ट कम्पनीमा आएको छ। मेडिसा इन्भेष्टमेन्ट कम्पनी प्राइभेट लिमिटेडमार्फत ५ अर्ब ९५ करोड रूपैयाँको लगानी प्रतिबद्धता आएको छ। ९ वटा आयोजनामा कम्पनीले लगानी गर्ने जनाएको छ।
सात वटा पर्यटनमुलक उद्योगमा ३२ करोड रूपैयाँको लगानी प्रतिबद्धता आएको छ। जसमा सबैभन्दा बढी १० करोड रूपैयाँको लगानी प्रतिबद्धता वाई लि होटल एण्ड रेष्टुरेण्ट प्रालिको नाममा आएको छ।
यस्तै ३ वटा सूचना प्रविधिमुलक उद्योगमा ९ करोड र ३ वटा सेवामुलक उद्योगमा ६ अर्ब १५ करोड रूपैयाँको लगानी आएको छ। जसमा मेडिसा इन्भेष्टमेन्ट कम्पनी समेत रहेको छ।
विभागका अनुसार २८ करोड रूपैयाँ लगानी प्रतिबद्धताको एउटा उत्पादनमुलक उद्योग पनि दर्ता भएको छ।
कुन उद्योगमा कति लगानी?
