काठमाडौं- बैंकहरूको तरलता संकट झनै गहिरिँदै गएको छ। पछिल्लो साता मात्रै वाणिज्य बैंकहरूको निक्षेप १५ अर्ब घटेको छ। कात्तिक १८ गतेदेखि कात्तिक २६ गतेसम्मको अवधिमा बैंकहरूको निक्षेप १५ अर्बले घटेको हो।
नेपाल बैंकर्स एशोसिएसनले दिएको तथ्यांकअनुसार बैंकहरूको निक्षेप ४२ खर्ब ३८ अर्ब रहेकोमा कात्तिक २६ गतेसम्म आइपुग्दा बैंकहरूको निक्षेप १५ अर्बले घटेर ४२ खर्ब २३ अर्बमा सीमित भएको छ। जसमध्ये विदेशी मुद्राको निक्षेप ३ अर्बले घटेको छ।
पछिल्लो ९ दिनमा बैंकहरूले थप ३ अर्ब मात्र कर्जा प्रवाह गरेका छन्। कात्तिक १७ गते बैंकहरूको कुल कर्जा प्रवाह ४० खर्ब २५ अर्ब रहेकोमा कात्तिक २६ गतेसम्मको कर्जा प्रवाह बढेर ४० खर्ब २८ अर्ब पुगेको छ।
मङ्सिरबाट भने केही बैंकको ब्याजदर दोहोरो अंकमा पुग्न सक्ने देखिएको छ। कात्तिकको तुलनामा १० प्रतिशत मात्रले ब्याज बढाउँदा पनि केही बैंकको ब्याज दोहोरो अंकमा पुग्ने देखिएको हो।
निक्षेप तान्ने होडमा बैंकहरूलाई ब्याजदर वृद्धि नगर्न अर्थमन्त्री जनार्दन शर्माले २७ वटै बैंकका प्रमुख कार्यकारी अधिकृत (सिइओ) लाई बोलाएर छलफल समेत गरेका थिए।
बैंकमा निक्षेप आउन छाडेपछि मंसिरमा ब्याजदर झनै बढ्दै, यस्तो छ २७ बैंकको सम्भावित ब्याजदर
