काठमाडौं- गत कात्तिक १ गते २७ वटा बैंक र अन्य वित्तीय संस्थाहरूले पनि निक्षेप तान्ने होडमा ब्याजदर बढाए। सोही दिन राष्ट्र बैंकले निर्देशन दिएर ब्याजदर फिर्ता लिएर १० प्रतिशतभन्दा बढी नबढाउन निर्देशन दिएको थियो।
निर्देशनअनुसार असोजमा तोकेको ब्याजदरअनुसार १० प्रतिशत मात्रै बढाएर सार्वजनिक गरेपछि ब्याजदर वृद्धिको होड केही थामिएको थियो। बैंकहरूमा निक्षेप नआउँदा २७ वटै बैंकहरू कर्जा प्रवाह गर्न नसक्ने अवस्थामा पुगेका छन्।
नेपाल बैंकर संघले प्रकाशन गरेको तथ्यांकअनुसार कात्तिक तेस्रो हप्तामा जम्मा ७ अर्ब ऋण स्वीकृत भएको छ। चाडपर्व र व्यापार व्यवसायको ‘अफ सिजन’ बाहेक साप्ताहिक रुपमा १५ अर्ब रुपैयाँभन्दा बढी ऋण प्रवाह हुने बैंकिङ प्रणालीबाट पछिल्लो हप्ता भने कमी आएको छ।
ब्याजदर बढ्दा सेयर बजारदेखि उद्याेगधन्दामा समेत लगानीमा असर परेकाे छ। सेयर बजार साेही कारण हरेक दिन घट्दाे क्रममा रहेकाे छ।
पछिल्लो समय तरलता संकटमा परेका बैंकहरूमा ऋणको माग बढ्दै गए पनि निक्षेप भने घट्दै आएको छ। पछिल्लो तीन हप्तामा निक्षेप संकलनमा गिरावट आएको छ। कात्तिकका तीनवटै हप्तामा निक्षेप घटेको छ।
पहिलो हप्ता २० अर्ब निक्षेप घटेको थियो। त्यस्तै दोस्रो हप्ता २ अर्ब घटेको निक्षेप तेस्रो हप्ता ९ अर्ब घटेको छ। ऋण भने कात्तिक पहिलो हप्तामात्र १ अर्ब घटेको थियो। पछिल्ला दुई सातामा क्रमशः २० अर्ब र ७ अर्ब रुपैयाँ गएको छ। तरलता अभावको कारण देखाउँदै असोज १ देखि ब्याजदर बढाउने होडमा रहेका बैंकहरूको दौड अझै रोकिएको छैन।
मंसिर १ गतेदेखि नयाँ ब्याजदरमा १० प्रतिशत थप गरेर नयाँ सूची सार्वजनिक गर्ने तयारीमा बैंकहरू रहेका छन्।
मंसिर १ गते लागू हुन सक्ने २७ बैंकको सम्भावित ब्याजदरको सूची यस्तो छ
