.gif)
.gif)
काठमाडौं- नेपाल सरकारले दक्ष विदेशीहरुका लागि श्रम नियमलाई थप लचिलो बनाएको छ। श्रम नियमावली २०७५ मा संशोधन गर्दै नेपालमा श्रम स्वीकृति पाउनसक्ने अवधिमा उदार व्यवस्था गरिएको हो।
श्रम नीतिको नियम ११ को उपनियम ३ पछि नयाँ व्यवस्था गरिएको हो। यसअघि नेपालमा विदेशीले श्रम स्वीकृति पाउनसक्ने सर्त र अवधि तोकिएको छ। कुनै पनि विदेशीले नेपालमा श्रम स्वीकृति लिएपछि निश्चित समयपछि नेपाली जनशक्तिबाट प्रतिस्थापन गर्नुपर्ने व्यवस्था रहेको छ। नियम ११ मा यस्तो व्यवस्था गरिएको छ।
सामान्य विदेशीले दुई वर्ष र विशिष्ट विज्ञहरूले पाँच वर्षका लागि स्वीकृति पाउँछन्। तर दक्ष विदेशीहरूलाई प्रतिस्थापन गर्ने स्वदेशी जनशक्ति तयार नहुँदासम्म २ वर्षसम्म थप गर्दसक्ने व्यवस्था रहेको थियो। यो व्यवस्थाअनुसार यसअघि दक्ष विदेशीहरूले बढीमा सात वर्षसम्म नेपालमा स्वीकृति पाउँथे।
नयाँ थपिएको व्यवस्थाअनुसार त्यस्ता विज्ञ विदेशीहरूको विकल्प नेपालमै तयार नभएको अवस्थामा थप ५ वर्ष स्वीकृति पाउने भएका छन्। यसरी कुल १२ वर्षमस्म विदेशी दक्ष कामदारले नेपालमा अविच्छिन्न श्रम स्वीकृति पाउनसक्ने भएका छन्। तर यसरी पाउने समय निश्चित अवधिमा नवीकरण गर्नुपर्छ।
