काठमाडौं- आन्तरिक राजस्व विभागले अन्त:शुल्क नियमावली, २०५९ को चौबिसौँ संशोधन गर्दै सुर्तीजन्य पदार्थको प्याकेजिङमा वायोडिग्रेडेवल सामाग्री प्रयोग गर्न भनेको छ।

विभागले सुर्ती, खैनी, गुट्का, पान मसला, स्वीट सुपारीमा वा यस्तै प्रकारका वस्तु उत्पादन गर्ने उद्योगले प्लाष्टिक बाहेकको प्याकेजिङ प्रयोगमा ल्याउन सूचना जारी गरेको हो।

यस्ता वस्तुमा हाल प्रयोग भइरहेको प्लाष्टिक प्याकेजिङको सट्टा जैविक रुपमा सडेर जाने(वायोडिग्रेडेवल) समाग्रीमा प्रयोगमा ल्याउनुपर्ने विभागले भनेको छ।

उक्त संशोधित नियमावली आगामी वैशाख १ गतेबाट कार्यान्वयनमा आउने विभागले जनाएको छ। 

हाल यस्ता वस्तुहरु उत्पादन गर्ने प्रतिष्ठान तथा आयात गर्ने इजाजतप्राप्त संस्थाले समेत उक्त व्यवस्थानुसार जैविकरुपमा सडेर जाने सामाग्री प्याकेजिङ प्रयोगमा ल्याउन विभागले भनेको छ।

२०८१ वैशाख १ गतेदेखि उल्लेखित व्यवस्थाको परिपालना नभएमा प्रचलित कानून बमोजिम कारबाही हुने विभागले सूचनामा भनेको छ।