काठमाडौं- नेपाली सेनाले सञ्चालन गर्दै आएको हेलिकप्टरका लागि साढे १ अर्बको पार्टपुर्जा खरिद हुने भएको छ। सेना अन्तर्गतको मिड एयर बेस, आर्मी एयर सर्भिर टीआईए गौचरले १ अर्ब ४९ करोड ४५ लाख २ हजार ७ सय ९४ रुपैयाँ न्यूनतम रकम राख्दै हेलिकप्टर पार्टपुर्जा खरिदका लागि टेन्डर गरेको हो।
सेनाले ग्रुप ए अन्तर्गत एभ्रो एयरक्राफ्टको पार्टपुर्जाको न्यूनतम मूल्य २७ करोड ३१ लाख १६ हजार ७ सय ६५ रुपैयाँ राखेर टेन्डर गरेको छ।
यसैगरी ग्रुप बी अन्तर्गत एलुएट हेलिकप्टरका पार्टपुर्जा खरिदका लागि न्यूनतम मूल्य ८१ करोड ७६ लाख ८६ हजार २ सय ९४ रुपैयाँ र ग्रुप सी अन्तर्गत लान्सर हेलिकप्टरको लागि ४० करोड ३६ लाख ९९ हजार ७ सय ३४ रुपैयाँ न्यूनतम मूल्य राखेर टेन्डर गरेको छ।
