काठमाडौं- वाणिज्य बैंकहरु ऋण दिनै नसक्ने अवस्थामा पुगेका छन्। ऋण मिल्ने रकम(तरलता)को अभाव भएपछि बैंकहरुले ऋण स्वीकृतिको गति घटाएका छन्। 

नेपाल बैंकर संघले प्रकाशन गरेको तथ्यांकअनुसार कात्तिक  तेस्रो हप्तामा जम्मा ७ अर्ब ऋण स्वीकृत भएको छ। 

चाडपर्व र व्यापार व्यवसायको अफ सिजन बाहेक साप्ताहिक रुपमा १५ अर्बभन्दा बढी ऋण प्रवाह हुने बैंकिङ प्रणालीबाट पछिल्लो हप्ता भने न्यूनता आएको छ। 

पछिल्लो समय तरलता संकटमा परेका बैंकहरुमा ऋणको माग बढ्दै गएपनि निक्षेप भने घट्दै आएको छ। पछिल्लो तीन हप्तामा निक्षेप संकलनमा गिरावट आएको छ। कात्तिकका तीनवटै हप्तामा निक्षेप घटेको छ। पहिलो हप्ता २० अर्ब निक्षेप घटेको थियो। त्यस्तै दोस्रो हप्ता २ अर्ब घटेको निक्षेप तेस्रो हप्ता ९ अर्ब घटेको छ। 

ऋण भने कात्तिक पहिलो हप्तामात्र १ अर्ब घटेको थियो। पछिल्ला दुई सातामा क्रमश: २० अर्ब र ७ अर्ब गएको छ।