काठमाडौं- नेपाल नागरिक उड्डयन प्राधिकरणले नेपाल आयल निमगले हवाई इन्धनको मुल्य घटाएसँगै हवाई भाडामा जोडिने इन्धनको सरचार्ज शुल्क घटाएको छ। अहिले हवाई भाडा तय गर्दा नेपाल नागरिक उड्डयन प्राधिकरणले ३ वटा शीर्षकमा विभाजन गरेर अधिकतम हवाई भाडा तय गरेको हुन्छ।  जसमा हवाई फेयर, इन्धन चार्ज र यात्रु सेवा शुल्क रहेको छ। 

अन्तर्राष्ट्रिय विमानस्थलबाट अन्य विमानस्थलमा उडान गर्दा यात्रु सेवा शुल्क ५ सय रुपैयाँ रहेको छ। आन्तरिक हव विमानस्थलबाट काठमाडौं आउँदा भने यात्रु सेवा शुल्क ४ सय रुपैयाँ रहेको छ। अन्य विमानस्थलको हकमा भने यात्रु सेवा शुल्क ३ सय रुपैयाँ रहेको छ।

उदाहरणका लागि काठमाडौं-धनगढी उडानको हवाई भाडामा ५ सय रुपैयाँ यात्रु सेवा शुल्क लाग्छ। तर धनगढीबाट काठमाडौं आउँदा भने यात्रु सेवा शुल्क ४ सय मात्रै लाग्छ। यसैगरी काठमाडौं-पोखरा, पोखरा-काठमाडौं, काठमाडौं- भैरहवा र भैरहवा-काठमाडौंमा ५ सय रुपैयाँ नै यात्रु सेवा शुल्क लाग्छ।

सोही आधारमा अन्तर्राष्ट्रिय विमानस्थलबाट आन्तरिक हव विमानस्थलमा उडान गर्दा भन्दा आन्तरिक हव विमानस्थलबाट अन्तर्राष्ट्रिय विमानस्थलमा उडान गर्दा १ सय रुपैया कम भाडा लाग्छ।

प्राधिकरणले तोकेको अधिकतम भाडामा सबैभन्दा बढी काठमाडौं-धनगढीको भाडा बढी रहेको छ। काठमाडौं-धनगढीको अधिकतम भाडा १४ हजार ६ सय ४० रुपैयाँ रहेको छ। यो भाडामा हवाई फेयर ८ हजा। १ सय ३० रुपैयाँ, इन्धन चार्ज ६ हजार १० रुपैयाँ र यात्रु सेवा शुल्क ५ सय रुपैयाँ रहेको छ। तर अधिकांश गन्तव्यको हवाई भाडा नेपाल नागरिक उड्डयन प्राधिकरणले तोकेको भन्दा कम रकम हुने गरेको छ।

कुन गन्तव्यको  अधिकतम भाडा कति?