काठमाडौं- प्रदेश १ र २ बाहेक सबै प्रदेशमा दर्ता हुने नयाँ सवारीमा मंसिर १ गतेबाट अनिवार्य इम्बोस्ड नम्बर प्लेट जडान हुने भएको छ।
भौतिक पूर्वाधार तथा यातायात मन्त्रालयले राजपत्रमा सूचना प्रकाशित गर्दै प्रदेश १ र २ मा बाहेक अन्य पाँच वटा प्रदेशमा नयाँ दर्ता हुने सवारी साधनमा अनिर्वाय रुपमा इम्बोस्ड नम्बर प्लेट जडान गर्ने निर्णय गरेको हो।
मन्त्रालयले बागमती, गण्डकी, लुम्बिनी, कर्णाली र सुदूपश्चिम प्रदेशका सबै यातायात कार्यालयलाई मंसिर १ देखि नयाँ दर्ता हुन आउने निजी, सरकारी, संस्थान, सार्वजनिक सवारी लगायत सबै प्रकारका सवारी सधानमा इम्बोस्ड नम्बर जडान गर्न सर्कुलर गरेको हो।
यसैगरी फागनु १ गतेबाट नामसारीमा आउने सवारी र २०७९ जेठ १ गतेबाट सवारी दर्ता प्रमाणपत्र नवीकरण गर्ने आउने सबै खालका सवारी साधनमा इम्बोस्ड नम्बर जडान गर्ने निर्णय मन्त्रालयले गरेको छ।
