काठमाडौं- काठमाडौंबाट धनगढी उडेको श्री एयरलाइन्सको जहाज पुनः काठमाडौं नै फर्किएको छ।
काठमाडौंबाट ३:१५ बजेतिर उडेको जहाजमा प्राविधिक समस्या देखिएका कारण धनगढीमा अवतरण हुन नसकेपछि डेढ घण्टामा पुनः काठमाडौं नै फर्किएको हो।
जहाज अहिले त्रिभुवन अन्तर्राष्ट्रिय विमानस्थलमा सुरक्षित अवतरण भइसकेको एक यात्रुले बताए।
जहाजका यात्रुलाई अहिले अर्को जहाजमार्फत पुन: धनगढी लैजाने तयारी छ।
