काठमाडौं- ठगीसम्बन्धी उजुरीका आधारमा प्रहरीले पप्पु कन्स्ट्रक्सनका सञ्चालक हरिनारायण रौनियारलाई पक्राउ गरेको छ। प्रहरी वृत बानेश्वरको टोलीले शुक्रबार अपराह्न उनलाई बानेश्वरबाट पक्राउ गरेको हो।
रौनियारविरूद्ध जिल्ला प्रहरी कार्यालय बाँकेमा ठगीसम्बन्धी उजुरी परेको थियो। उक्त उजुरीका आधारमा रौनियारलाई काठमाडौंबाट पक्राउ गरिएको प्रहरीले जानकारी दिएको छ।
रौनियार २०७४ मा पर्सा क्षेत्र नम्बर ३ बाट तत्कालीन संघीय समाजवादी फोरमबाट सांसदसमेत भएका थिए। उनीविरूद्ध अख्तियारले विशेष अदालतमा भ्रष्टाचार मुद्दा दायर गरेपछि पद निलम्बनमा परेको थियो।