काठमाडौं- सरकारले समयमा काम नगर्ने ६ निर्माण कम्पनीलाई कालोसूचीमा राखेको छ। स्पष्टीकरणको मौकामा चित्तबुझुदो जवाफ नदिएपछि ६ निर्माण कम्पनी तथा सप्लायर्सलाई एकै पटक कालोसूचीमा राखिएको हो।

सार्वजनिक खरिद अनुगमन कार्यालयले सूचनामार्फत ती ६ निर्माण कम्पनी तथा सप्लायर्सलाई कालोसूचीमा राखेको हो। यी कम्पनीलाई १ देखि ३ वर्षसम्म का लागि कालोसूचीमा राखिएको हो। 

पप्पु कन्स्ट्रक्सनलाई भने दुई ठाउँबाट कालोसूचीमा राखिएको छ। 

कलोसूची अवधिभर यस्ता निर्माण कम्पनी तथा सप्लायर्सले सरकारी टेन्डरमा सहभागी हुन पाउने छैनन्। समयका काम नगर्ने निर्माण कम्पनी तथा सप्लायर्सलाई सम्बन्धित सरकारी निकायले लेखि पठाउने र त्यस उपर थप बुझेर सार्वजनिक खरिद अनुगमन कार्यालयले कालोसूचीमा राख्ने व्यवस्था रहेको छ।