.gif)
.gif)
काठमाडौं- नवलपरासीमा भूमिहीनलाई औपचारिक रूपमा जग्गाधनी प्रमाणपत्र वितरण सुरू भएको छ।
भूमि व्यवस्था, सहकारी तथा गरिबी निवारणमन्त्री रञ्जिता श्रेष्ठ चौधरी र नेपाली कांग्रेसका सांसद विनोद चौधरीको उपस्थितिमा बर्दघाट नगरपालिका-१३ बाट बिहीबारदेखि जग्गाधनी प्रमाणपत्र वितरण सुरू गरिएको हो।
यो अभियान जिल्लाभर नै सञ्चालन हुने र सबैले पुर्जा पाउने सांसद चौधरीले जानकारी दिए।
जिल्लाका सबै भूमिहीनलाई जग्गाधनी प्रमाणपत्र उपलब्ध गराउन मन्त्रालय क्रियाशील रहने मन्त्री श्रेष्ठले बताइन्।
