काठमाडौं- प्रतिनिधिसभाले विनियोजन विधेयक २०८० बहुमतले पारित गरेको छ।
अर्थमन्त्री प्रकाशशरण महतले बुधबार प्रतिनिधिसभामा प्रस्तुत गरेको ‘विनियोजन विधेयक २०८० लाई पारित गरियोस्’ भन्ने प्रस्ताव बहुमतले पारित भएको हो।
प्रतिनिधिसभाको बैठकमा मत विभाजन गरिएको थियो। मत विभाजनबाट प्रस्तावको पक्षमा बहुमतबाट पारित भएको हो।
बजेको पक्षमा १ सय ४७ सांसदले मत दिएका थिए भने बजेटको विपक्षमा एक सय ८ मत परेको थियो। बुधबारको बैठकमा २ सय ७५ सांसदमध्य २ सय ५५ सांसद उपस्थित थिए।
बैठकमा २७ सांसदले विभिन्न मन्त्रालयको खर्च कटौतीको प्रस्ताव गरेका थिए, जुन बहुमतले अस्वीकृत भयो।
बजेटसँगै आएका आर्थिक विधेयक, राष्ट्र ऋण उठाउने विधेयक भने अझै पारित भएका छैनन्।