काठमाडौं- यो साता तीन दिन लगातार सुधार देखिएको सेयर बजारमा साताको चौथो कारोबारमा गिरावट देखिएको छ।

आइतबार ६२.२१ अंक, सोमबार ११.६९ र मंगलबार ५६.९४ अंकले बढेको बजार बुधबार दोहोरो अंकले घटेको हो। 

बुधबार ३५.३७ अंकले घटेर २१५०.९९ बिन्दुमा बजार पुग्दा ५ अर्ब ९७ करोड २२ लाख ८६ हजार रूपैयाँको कारोबार भएको छ। ३६ कम्पनीको सेयर मूल्य बढेको बजारमा १ सय ८८ कम्पनीको सेयर मूल्य घटेको छ भने एक मात्र कम्पनीको स्थिर रह्यो।

यो साता सोमबार ११.६९ अंकको वृद्धिसहित बजार २१२९.४२ बिन्दुमा पुग्दा ५ अर्ब ३१ करोड रूपैयाँको कारोबार भएको थियो भने आइतबार ६२.२१ अंकको वृद्धिसँगै बजार २११७.७३ बिन्दुमा पुग्दा ६ अर्ब ४९ करोड ४ लाख १२ हजार रूपैयाँको सेयर किनबेच भएको थियो। मंगलबार ५६.९४ अंकले बढेर २१८६.९४ बिन्दुमा पुगेको बजारमा ५ अर्ब ४७ करोड ६२ लाख ८७ हजार रूपैयाँको कारोबार भएको थियो।